CXXV.

1324, September 10. Breslau.

Der Official Konrad von Breslau bekundet, dass der Meister des Mathiasstiftes zu Breslau das Stift Kamenz wegen des Vermächtnisses einer Mechildis befriedigt hat.

In nomine domini amen. Nos Conradus doctor decretorum canonicus et officialis Wratislaviensis tenore presencium ad universorum noticiam volumus devenire, quod constitutus presencialiter coram nobis iudicio presidentibus viris discretis, magistro videlicet Franczcone de Goltperg, advocato Wrat. consistorii syndico et procuratore domini . . abbatis et conventus monasterii de Camencz et Rychwino procuratore fratris Syffridi magistri hospitalis sancti Mathie in Wrat. ac conventus ibidem, prefatus magister Franczco nomine procuratorio . . abbatis et conventus predictorunt voluntarie et ex certa sciencia est confessus, quod concordia, quam magister hospitalis predicti, frater videlicet Syffridus predictus, pro se et suo conventu fecit cum domina Mechildi, relicta Rychtvini olim civis Wrat., super una mensura siliginis septimanis singulis solvenda ab hospitali sancti Mathie predicto, dicte relicte ad tempora vite sue et post eius mortem in perpetuum monasterio de Kamencz, pro qua ipsi relicte solverunt viginti quinque marcas inparato pecunie dictam mensuram redimendo vel reemendo in totum, sic, quod deinceps ad ipsius solucionem nemini teneantur de ipsius domini . . abbatis de Camencz et sui conventus voluntate processit. Confessus insuper est idem magister Franczko nomine eorumdem, quod de eisdem viginti quinque marcis satisfactum est in totum, renuncians specialiter omni iuri, quod prefato monasterio de Kamencz ad eiusdem mensure recepcionem seu exaccionem conpetebat, vel conpetere poterat in futurum. Actum in consistorio Wrat. IIII° Ydus Septembris anno domini M°.CCC°.XX° quarto, presentibus viris discretis: magistris Bertoldo de Rathbor, Henrico de Lemberg, Nicolao de Legnicz, Andrea, Laurentio advocatis predicti consistorii; Theoderico nostro notario et aliis. In cuius rei testimonium presentes nostri sigilli robore fecimus communiri.

Or. Perg. Kreuzk. Br. 84. Das am Rande beschädigte S. in rothem W.: unter einem Kreisbogen die sitzende Gestalt eines Geistlichen, vor einem Pulte, von zwei Diakonen umgeben; darüber Brustbild eines Bischofs. Umschrift dem Titel des Ausstellers völlig entsprechend, an einem Pergamentstreifen.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.